Muhamet Tartar Vranishti,

tradita jote të ndriti,

që të shkruash poezi,

nga babai Qendro Ali.

Libri yt me poezi,

("Vallja e vetëtimave"),

më dha shumë kënaqësi,

Vranisht, o vendi i trimave.

Më çove e ku smë çove,

kapërceva fusha, male

dhe mendjen ma fluturove,

nëpër skena, festivale.

Ato këngë e ato valle,

janë erë e suferinë,

pa nota, pa pentagrame,

ndezin zjarr polifoninë.

Vranishti lindi bilbila,

vjershëtorë të dëgjuar,

mbinë porsi karafila,

këngë labe duke shkruar.