DOLA SIPËR NË RRËMULLË

U ngrita që në sëhur,

i hipa mushkës kaluar,

të shkoj në stan e haur,

çobanët për të takuar.

Mora rrugën më të lartë,

duke ikur i menduar,

nuk di fillin ku ta kap ,

ato më vijnë trazuar.

Atje sipër në Heri,

i zbrita mushkës xanxare,

sma mbajti, s kam kuturi,

bie, bëhem copa fare.

Dola sipër në Rrëmullë,

dëgjoj ca zile, këmborë,

dhen e dhi përtej në Gurrë,

në krye dashi përçor.

Shihni si shtrihet bregdeti,

Që nga Vlora në Sarandë,

si një mal duket trageti,

kur lundron sipër mbi valë.

Hajde-hajde moj rivierë,

natyra të ka qëndisur,

më kot nuk të thonë perlë,

turistët i ke mahinitur.

Pastaj shikimin e tret,

ndër male, gryka e pllaja,

nga Hunda e Drerit në Kretë,

deri në Lëpjet tek maja.

Ngado që të hedh vështrimin,

shoh dhën , mërzejnë në tëndë,

dhe më poshtë tek burimi,

po pi ujë një thëllëzë.

Dola sipër në Qaf Arrë,

të takoj nja dy çobanë,

janë kushurinj të parë,

Tarasi me gjith Dalanë.

Kur u afrova në tëndë,

çobanve u bëj një zë,

të ngrihen, të lidhin qentë,

që jan shtrirë në shullë.

Çobanët çohen në këmbë:

"Pa shiko se kush na erdhi,

të dalëm sipër në tëndë,

më ngjan se po vjen Serveri.

Server, o vëllai ynë,

sa shumë na piku malli,

ti je për të pir dollinë,

na sajdis në maj të malit".

"Dhe ju, vëllezrit e mi,

ti Taras e ti Dalan,

kisha shumë kënaqësi,

të vij tu takoj në stan.

Këmbëkryq e përmbi bar,

fillon muhabeti shtruar,

këmbyem nga një cigare,

kutitë duhen ndërruar.

Më pastaj, sipas zakonit,

të shtrojnë raki të mirë,

por nuk mjafton as bidoni,

kur ke përpara shëllirë.

U përqafuam, u ndamë,

mora rrugën tatëpjetë,

që ti zë stanet me radhë,

nga Hund e Drerit në Kretë.

Ja ku ësht Galisht i Mesmë,

mu kujtua xha Vahiti,

kur i binte culës së shkretë,

ndalonte këngën bilbili.

U nisa për në Qutec,

më pret motra te hauri,

që nga larg e përshëndes,

ulem pak majë një guri.

E dashura Hamise,

çobanesha e vëllait!

Erdha, ja, këtu më ke,

mu në stane, majë malit.

U përqafuam me mall,

lotët më rrodhën si krua,

piva një sapllak me dhallë,

tërë trupi mu freskua.

Pastaj hypa lart në shtrat,

nga mali hodha vështrimin,

pres të vijë im - kunat,

të bjerë kopen te mrizi.

Dhitë po zbresin nga mali,

i përçon cjapi me zile,

i gjatë më duket vargani,

do pinë ujë në Vidhez.

Ja po vjen dhe Sulo Zhupa,

me një thëllëzë në dorë,

e ka vrarë në Lëpusha,

lart, në malin me dëborë.

Nesëret vamë në Gurrë,

sipër, te kroi i Asllanit,

një sheleg në hell e vumë,

qe zakoni i çobanit.

U ulëm shtruar në hije,

krici kënga, muhabeti,

me mish përpara dhe pije,

me dolli edhe shëndete.

Vëllezër, të më besoni,

atje është mrekulli,

po të doni e provoni,

shkoni verës për freski.

Nga Hund e Drerit në Kretë,

më shumë se dhjetë burime,

Galishtit i japin jetë,

vend i begatë për prodhime.